Health and safety during the 2021-22 school year | Español | Русский | Fóósun Chuuk

Fóósun Chuuk

Sia men unusen pwapwa fiti chengen ach sipwene pwan kúna noumw ewe chóón sukkun nón ewe ewin ráánin sukkun: Oru, Akkos 31. Kose mochen no ngeni en webpage iká neni wón internet ren aúchean póróusen popután sukkun. Mei pwan wor ekkóch póróus seni an noumw na sukkun epwe kawor ren póróusen ar ra etto ngeni sukkun, mwéngén nesosor, mwéngén neónowas, me kókkótun sárin sukkun.

Kich mei fiti éúréur seni an mwuun ewe pútáin pioing ren énnúkkún eppetin ei semwen. Sipwe sópwenó ne kakaton me awora ekkesiwin nupwen fansoun a pwan siwin ekkei énnúk. Ikkei met mei minafé ren nón ei ier:

  • Masamas ekkewe pwénúpwénún maas (aaw/pwét) nón imw me nefén bus, nge epwe ne nomw fan nemenien emén me emén iká resapw masamas núkkún
  • Resapw chiwen amasowa ekkewe kapas eis re kan amasowa iteiten ráán minne e wenengeni póróuser ren ei semwen. Iká pwe noumw en mei pwichikar iká wor esisinen semwen ren, iwe kopwe anómwatiw nón imw.
  • Mei wor tesin COVID mei kawor nón sukkun ngeni famini iká pwe re mochen angei.
  • Ekkewe énnúk mei kawor ren an emén epwe nómwonong nón imw me imwunó wón aan a ekkesiwin. Sipwe sopwenó ne chosani póróusen ekkei keis (semwen) nupwen fansoun sia angei póróusan.
  • Nupwen fansoun a wor esinesin (repot) ngeni ewe kúmien chóón angang re wisen atawei osukosukan ei semwenin COVID pwe a wor chóón angang iká chóón sukkun ra angei pwúngún ar tes nge a úrir ei semwen iká mei wor emén ra ekkieki nge mei úri ei semwen nge mei piin nómw nón an VPS kewe imw iká nefón wan VPS kewe sein sukkun (bus) 48 awa me mwen epwe poputá ne tori esisinen semwen, iwe epwe wor esinesin epwe tori chóón angang nón email ren ewe neni ikkewe ian emén ewe e semwen ian. Ei esinesin epwe pachetá wón an en sukkun website. Iteiten wiik, epwe wor minafén póróus wón An ei kinikinin sukkun ewe neni e affata úkkúkkún ekkewe a úrir ei semwen
  • Néún Mwuun Washington ewe kafénér (Governor) ren Jay Inslee mei kerán wau ew énnúk an meinisin chóón angangen sukkun seni mwiichen K-12, fiti fengen me ekkewe mei wor etipew fengen nefiner me sukkun ar repwe etto féri ar angang nón (contractors), me chóóchóón ewe board of directors repwe angei opposun eppetin COVID-10 nón ei minafén ierin sukkun. VPS me chóóchóón ewe board of directors repwe épwénúetá ei énnúk. Mei tufich an emén epwe tingor an esapw angei ei oppos fáán iten an namanam me an semwen.
  • An chóón sukkun kewe mettóch (urumwot) e kan fiis mwúrin sukkun epwe pwan fiti ekkewe éúréúr ren túmwún inis ren ar repwe masamas pwénúpwénún maas, atowawa nefiner ngeni emén me emén me nimenim atun a sár sukkun.
  • Katon ekkei eureuren pekin urumwot

Ren tichikin póróus, katon masowen ewe Kókkót ren eppetin me angangen an esapw watenó fetánin COVID-19 .

Article Source: Vancouver Public Schools